Дентинска Хиперсензитивност
Дентинската хиперсензитивност е кратка, остра болка во забите што се јавува како одговор на типично не-штетна стимулација. Често се нарекува чувствителност на забите или чувствителни заби, се јавува одеднаш кога дентинот на забот е изложен на надворешни дразби, како што се топла, ладна или кисела храна, стимулирајќи ги нервните влакна во внатрешноста на забот.
-
Етиологија, причини и симптоми
Пречувствителноста на дентинот е предизвикана од изложување на дентинскиот слој на забот. Нормално, мекиот дентин е заштитен или со непцата околу вратот на забот или со тврдата забна глеѓ на коронката. Дентинот има тубули, или тесни канали, кои водат до пулпата на забот, каде што се наоѓаат нервните влакна. Кога надворешните дразби можат да стигнат до овие тубули, тие можат да ги стимулираат нервните влакна и се регистрира болка.
Главната причина за изложен дентин е рецесија на непцата. Кога непцата се повлекуваат, тие го изложуваат забниот врат каде што дентинот е заштитен само со тенок слој цемент кој лесно се отстранува.
Губењето на глеѓта, исто така, може да доведе до хиперсензитивност на дентинот кога целосниот слој на глеѓта што го штити основниот дентин е отстранет преку ерозија, абразија или атриција.
Болката од хиперсензитивност на дентинот може да биде предизвикана од голем број надворешни дразби. Вообичаените предизвикувачи вклучуваат:- Топла, ладна, слатка или кисела храна и пијалоци.
- Ладен воздух.
- Тактилни дразби, на пр. четкање заби или гребење на изложената површина на дентинот.
Дентинската хиперсензитивност е честа, но недоволно пријавена, па затоа е тешко точно да се измери инциденцата. Сепак, студиите проценуваат дека преваленцата може да биде до 60%. Додека ризикот за изложен дентин се зголемува со возраста, хиперсензитивноста на дентинот го достигнува својот врв обично на возраст од 30 до 40 години, бидејќи тубулите природно можат да се затнат.
-
Влијание врз квалитетот на животот на пациентите
Дентинската хиперсензитивност може да биде многу болна за пациентот. И покрај тоа, вообичаено е пациентите да не ги пријавуваат чувствителните заби кај својот стоматолог.
Во раните фази, кога болката е спорадична и краткотрајна, многумина едноставно го прифаќаат проблемот и ги избегнуваат дразбите кои им предизвикуваат болка.
Сепак, хиперсензитивноста на дентинот може да напредува до точка каде што болката е честа, трајна и интензивна. Тоа може да го отежне извршувањето на секојдневните активности како јадење, зборување и миење заби, предизвикувајќи уште потешки проблеми со оралното здравје.
Луѓето кои страдаат од изразена дентинска хиперсензитивност, исто така, известуваат дека тоа влијае на нивниот квалитет на живот со тоа што го одзема уживањето во јадењето и пиењето и ги тера да се чувствуваат вознемирени или самосвесни за тоа во социјални или јавни средини. -
Превенција, управување и третман
Дентинската хиперсензитивност може да се третира со специјално формулирани пасти за заби и води за уста. Тие обично функционираат преку оклудирање/запечатување на дентинските тубули за да се спречи пренос на стимули или да се десензитизира забниот нерв.
Технологијата Pro-Argin во пастите за заби на elmex дејствува така што физички ги оклудира/запечатува дентинските тубули. Секојдневната употреба на пастата за заби ја зајакнува заштитата од појава на болка давајќи долготрајно намалување на чувствителноста кај оние кои страдаат. Дополнитено, технологијата нуди моментално намалување на хиперсензитивноста на дентинот, доколку се нанесе со врвот на прстот на чувствителниот дел на забот и се масира една минута.
Во секој случај, основната причина за изложениот дентин (рецесија на непцата или трошење/оштетување на глеѓта) треба да се решат за да не бидат изложени повеќе површини на дентинот.
Производи
Статии
Вебинари
